| Abstract |
ᠦᠭᠦᠯᠡᠪᠦᠷᠢ ᠶᠢ ᠬᠡᠯᠪᠡᠷᠢ ᠪᠦᠲᠦᠴᠡ ᠶᠢᠨ ᠲᠠᠯᠠ ᠠᠴᠠ ᠦᠭᠦᠯᠡᠭᠳᠡᠭᠦᠨ᠂ ᠦᠭᠦᠯᠡᠭᠦᠨ᠂ ᠲᠤᠰᠤᠭᠳᠠᠬᠤᠨ ᠭᠡᠬᠦ ᠮᠡᠳᠦᠴᠢᠯᠡᠨ ᠬᠡᠰᠢᠭᠦᠳᠯᠡᠨ ᠲᠤᠳᠤᠷᠬᠠᠢ᠌ᠯᠠᠳᠠᠭ ᠲᠠᠢ ᠠᠳᠠᠯᠢ ᠪᠠᠷ᠂ ᠤᠳᠬᠠ ᠪᠦᠲᠦᠴᠡ ᠶᠢᠨ ᠲᠠᠯᠠ ᠠᠴᠠ ᠨᠢ ᠰᠦᠪᠶᠧᠺᠲ᠋ (SUBJEKT)᠂ ᠦᠭᠦᠯᠡᠭᠦᠢ ᠰᠢᠨᠵᠢ (PREDICATE)᠂ ᠤᠪᠶᠧᠺᠲ᠋ (OB-JEKT) ᠬᠡᠮᠡᠨ ᠵᠠᠳᠠᠯᠵᠤ ᠲᠤᠳᠤᠷᠬᠠᠢ᠌ᠯᠠᠵᠤ ᠪᠤᠯᠳᠠᠭ᠃ ᠰᠦᠪᠶᠧᠺᠲ᠋ ᠦᠨ ᠠᠢ ᠪᠤᠯ ᠦᠭᠦᠯᠡᠪᠦᠷᠢ ᠶᠢᠨ ᠤᠳᠬᠠ ᠪᠦᠲᠦᠴᠡ ᠶᠢᠨ ᠠᠢ ᠳᠤᠲᠤᠷᠠᠬᠢ ᠴᠦᠮᠡ ᠠᠢ ᠶᠢᠨ ᠬᠢᠨᠢ ᠨᠢᠭᠡ ᠪᠤᠯᠤᠨᠠ᠃ ᠰᠦᠪᠶᠧᠺᠲ᠋ ᠪᠤᠯ ᠦᠭᠦᠯᠡᠪᠦᠷᠢ ᠶᠢᠨ ᠦᠭᠦᠯᠡᠭᠦᠢ ᠰᠢᠨᠵᠢ ᠶᠢ ᠬᠠᠳᠠᠭᠠᠯᠠᠭᠴᠢ᠂ ᠦᠢᠯᠡ ᠶᠢ ᠡᠭᠦᠰᠭᠡᠭ᠍ᠴᠢ᠂ ᠰᠢᠨᠵᠢ ᠪᠠᠢ᠌ᠳᠠᠯ ᠢ ᠠᠭᠤᠯᠤᠭᠴᠢ ᠪᠤᠯᠤᠨᠠ᠃ ᠲᠤᠰ ᠦᠭᠦᠯᠡᠯ ᠳᠦ ᠰᠦᠪᠶᠧᠺᠲ᠋ ᠢ ᠲᠡᠭᠦᠨ ᠦ ᠤᠳᠬᠠ ᠶᠢᠨ ᠰᠢᠨᠵᠢ ᠪᠤᠯᠤᠨ ᠦᠭᠦᠯᠡᠭᠦᠢ ᠰᠢᠨᠵᠢ ᠲᠡᠢ ᠬᠤᠯᠪᠤᠭᠳᠠᠬᠤ ᠲᠠᠯᠠ ᠠᠴᠠ ᠨᠢ ᠬᠡᠳᠦᠨ ᠵᠤᠢ᠌ᠯ ᠳᠤ ᠬᠤᠪᠢᠶᠠᠵᠤ ᠠᠭᠤᠯᠭᠠ ᠠᠴᠠ ᠬᠡᠯᠪᠡᠷᠢ ᠳᠦ ᠰᠢᠯᠵᠢᠬᠦ ᠪᠠᠢ᠌ᠳᠠᠯ ᠢᠶᠠᠷ ᠮᠣᠩ᠋ᠭᠤᠯ ᠬᠡᠯᠡᠨ ᠳᠦ ᠶᠠᠮᠠᠷ ᠤᠳᠬᠠ ᠲᠠᠢ ᠰᠦᠪᠶᠧᠺᠲ᠋ ᠶᠠᠭᠠᠬᠢᠵᠤ ᠢᠯᠡᠷᠡᠵᠦ ᠪᠠᠢ᠌ᠭᠠ ᠶᠢ ᠠᠵᠢᠭᠯᠠᠨ ᠰᠢᠨᠵᠢᠯᠡᠭᠰᠡᠨ ᠪᠠᠢ᠌ᠨᠠ᠃ |
