Abstract |
ᠮᠣᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠣᠢᠯᠠᠭ᠋ᠠᠯᠲᠠ ᠳᠤ ᠵᠤᠭ᠋ᠤᠰ ᠢ ᠲᠤᠤᠷᠠᠰᠢᠶᠠᠬᠤ᠂ ᠵᠤᠭ᠋ᠤᠰ ᠢ ᠵᠢᠭᠰᠢᠬᠦ᠂ ᠵᠤᠭ᠋ᠤᠰ ᠠᠴᠠ ᠵᠢᠷᠦᠬᠡᠰᠢᠶᠡᠬᠦ ᠬᠡᠪᠰᠢᠯ ᠳᠡᠢᠯᠦᠩᠭᠦᠢ ᠪᠠᠢᠳᠠᠭ᠃ ᠡᠨ᠋ᠡ ᠨᠢ ᠵᠠᠬᠠ ᠳᠡᠯᠭᠡᠭᠦᠷ ᠦᠨ ᠠᠵᠤ ᠠᠬᠤᠢ ᠯᠤᠭᠠ ᠦᠯᠦ ᠲᠤᠬᠢᠷᠠᠯᠴᠠᠬᠤ ᠮᠦᠷᠲᠡᠭᠡᠨ ᠮᠣᠩᠭᠤᠯᠴᠤᠳ ᠤᠨ ᠢᠳᠡᠪᠬᠢᠵᠢᠯ ᠢ ᠬᠦᠯᠢᠶᠡᠰᠦᠯᠡᠵᠦ᠂ ᠵᠤᠭ᠋ᠤᠰ ᠢᠶᠠᠷ ᠪᠠᠶᠠᠵᠢᠬᠤ ᠲᠡᠷᠳᠡᠭ ᠵᠠᠮ ᠠᠴᠠ ᠵᠠᠢᠳᠠᠭ᠋ᠤᠯᠳᠠᠭ᠃ ᠣᠳᠤᠬᠠᠨ ᠳᠤ ᠵᠤᠭ᠋ᠤᠰ ᠢ ᠰᠢᠲᠦᠬᠦ᠂ ᠵᠤᠭ᠋ᠤᠰ ᠢ ᠳᠡᠭᠡᠳᠦᠴᠢᠯᠡᠬᠦ᠂ ᠵᠤᠭ᠋ᠤᠰ ᠢ ᠦᠬᠦᠨ ᠬᠦᠭᠡᠭᠡᠴᠡᠯᠳᠦᠬᠦ ᠬᠡᠯᠪᠡᠷᠢᠯ ᠴᠦ ᠡᠳᠦᠷ ᠡᠴᠡ ᠡᠳᠦᠷ ᠬᠦᠨᠳᠦ ᠨᠤᠴᠢᠲᠠᠢ ᠪᠤᠯᠵᠤ ᠪᠤᠢ᠃ ᠡᠨ᠋ᠡ ᠨᠢ ᠵᠤᠭ᠋ᠤᠰ ᠢ ᠦᠬᠦᠨ ᠰᠢᠲᠦᠭᠴᠢᠳ ᠢ ᠨᠠᠵᠠᠭ᠋ᠠᠢ ᠵᠦᠭ ᠬᠦᠲᠦᠯᠦᠨ ᠵᠤᠭ᠋ᠤᠰ ᠢᠶᠠᠷ ᠪᠠᠶᠠᠵᠢᠬᠤ ᠳᠠᠷᠳᠠᠩ ᠵᠠᠮ ᠤᠨ ᠬᠠᠵᠠᠭ᠋ᠤᠳᠠᠬᠢ ᠭᠤᠤ ᠰᠤᠪᠠᠭ ᠲᠤ ᠣᠢᠴᠢᠭ᠋ᠤᠯᠳᠠᠭ᠃ ᠵᠤᠭ᠋ᠤᠰ ᠢ ᠣᠨ᠋ᠣᠴᠢᠲᠠᠢ ᠲᠠᠨ᠋ᠢᠬᠤ ᠲᠤᠯᠭ᠋ᠠᠮᠠ ᠡᠭᠦᠷᠭᠡ ᠮᠣᠩᠭᠤᠯ ᠤᠭᠰᠠᠭ᠋ᠠᠲᠠᠨ ᠤ ᠡᠮᠦᠨᠡ ᠴᠦ ᠲᠠᠯᠪᠢᠭᠳᠠᠵᠤ ᠪᠠᠢᠨᠠ᠃ ᠲᠤᠰ ᠦᠭᠦᠯᠡᠯ ᠳᠦ (1) ᠨᠡᠢᠭᠡᠮ ᠦᠨ ᠠᠮᠢᠳᠤᠷᠠᠯ ᠤᠨ ᠢᠷᠠᠭ᠋ᠤ ᠪᠦᠲᠦᠭᠡᠯᠲᠡ; (2) ᠪᠤᠳᠤᠯᠢᠶᠠᠨᠲᠤ ᠰᠤᠯᠢᠯᠴᠠᠭ᠋ᠠᠨ ᠤ ᠪᠦᠲᠦᠮᠵᠢᠲᠦ ᠪᠠᠭ᠋ᠠᠵᠢᠫ; (3) ᠪᠠᠯᠪᠠᠰᠤᠨ ᠨᠡᠢᠭᠡᠮ ᠦᠨ ᠪᠡᠯᠭᠡ ᠲᠡᠮᠳᠡᠭ; (4) ᠲᠠᠸᠠᠷ ᠤᠨ ᠨᠡᠢᠭᠡᠮ ᠦᠨ ᠬᠡᠷᠡᠭᠴᠡᠭᠡᠨ ᠦ ᠭᠡᠮᠨ᠋ᠡᠭᠦᠷ ᠭᠡᠬᠦ ᠳᠦᠷᠪᠡᠨ ᠲᠠᠯᠠ ᠪᠠᠷ ᠵᠤᠭ᠋ᠤᠰ ᠤᠨ ᠲᠤᠬᠠᠢ ᠦᠵᠡᠯᠲᠡ ᠪᠡᠨ ᠳᠡᠯᠭᠡᠵᠡᠢ᠃ |