| Abstract |
ᠲᠦᠪᠡᠳ ᠮᠣᠩᠭᠤᠯ 《ᠭᠡᠰᠡᠷ》 ᠦᠨ ᠰᠤᠶᠤᠯ ᠤᠨ ᠲᠠᠢᠯᠤᠮᠵᠢ ᠪᠤᠯ ᠲᠡᠳᠡᠭᠡᠷ ᠦᠨ ᠨᠢᠭ᠋ᠤᠴᠠ ᠶᠢ ᠨᠡᠭᠡᠭᠡᠬᠦ ᠠᠯᠲᠠᠨ ᠲᠦᠯᠬᠢᠭᠦᠷ ᠪᠤᠯᠤᠨᠠ᠃ ᠡᠭᠦᠨ ᠳᠦ ᠱᠠᠰᠢᠨ ᠤ ᠠᠰᠠᠭ᠋ᠤᠳᠠᠯ ᠪᠤᠯ ᠬᠠᠮᠤᠭ ᠴᠢᠬᠤᠯᠠ ᠲᠦᠪᠯᠡᠷᠡᠯ ᠦᠨ ᠴᠢᠭ ᠪᠤᠯᠵᠠᠢ᠃ ᠲᠤᠰ ᠦᠭᠦᠯᠡᠯ ᠳᠦ ᠲᠦᠪᠡᠳ ᠮᠣᠩᠭᠤᠯ 《ᠭᠡᠰᠡᠷ》 ᠲᠡᠬᠢ ᠪᠤᠮᠪᠠ (ᠪᠦᠬᠡ) ᠶᠢᠨ ᠱᠠᠰᠢᠨ ᠤ ᠪᠤᠳᠠᠲᠤ ᠰᠢᠮᠡᠳᠭᠡᠯ ᠢᠯᠡᠷᠡᠯ ᠢ ᠰᠦᠪᠡᠭᠴᠢᠯᠡᠨ ᠦᠭᠦᠯᠡᠵᠡᠢ᠃ 1. ᠲᠦᠪᠡᠳ ᠮᠣᠩᠭᠤᠯ ᠣᠷᠤᠨ ᠳᠠᠬᠢ ᠪᠤᠷᠬᠠᠨ ᠬᠢᠭᠡᠳ ᠪᠤᠮᠪᠠ (ᠪᠦᠬᠡ) ᠶᠢᠨ ᠲᠡᠮᠡᠴᠡᠭᠡᠨ; ᠲᠦᠪᠡᠳ ᠮᠣᠩᠭᠤᠯ ᠣᠷᠤᠨ ᠳᠤ ᠪᠤᠷᠬᠠᠨ ᠤ ᠱᠠᠰᠢᠨ ᠤᠯᠠᠮᠵᠢᠯᠠᠭᠳᠠᠭᠰᠠᠨ᠂ ᠲᠤᠬᠠᠢ ᠶᠢᠨ ᠣᠷᠤᠨ ᠤ ᠤᠯᠠᠮᠵᠢᠯᠠᠯᠲᠤ ᠱᠠᠰᠢᠨ ᠪᠤᠮᠪᠠ ᠪᠤᠶᠤ ᠪᠦᠬᠡ ᠲᠡᠢ ᠲᠡᠮᠡᠴᠡᠯᠳᠦᠭᠰᠡᠨ ᠢ ᠲᠡᠮᠳᠡᠭᠯᠡᠵᠡᠢ᠃ 2. ᠪᠤᠮᠪᠠ ᠶᠢᠨ ᠰᠤᠷᠲᠠᠬᠤᠨ ᠤ ᠳᠤᠮᠤᠭ 《ᠭᠡᠰᠡᠷ》 ᠲᠠᠢ ᠬᠤᠯᠪᠤᠭᠳᠠᠬᠤ ᠨᠢ; ᠪᠤᠮᠪᠠ ᠶᠢᠨ ᠰᠤᠷᠲᠠᠬᠤᠨ ᠤ ᠡᠪᠦᠭᠡ ᠪᠠᠭᠰᠢ ᠨᠢ ᠲᠤᠨᠪᠠᠰᠢᠷᠠᠪ ᠪᠦᠲᠦᠭᠡᠭᠳᠡᠭᠰᠡᠨ ᠨᠢ ᠰᠤᠨ᠋ᠢᠷᠬᠠᠯᠲᠠᠢ᠃ 3. 《ᠭᠡᠰᠡᠷ》 ᠲᠡᠬᠢ ᠪᠤᠮᠪᠠ (ᠪᠦᠬᠡ) ᠶᠢᠨ ᠰᠤᠶᠤᠯ ᠤᠨ ᠢᠯᠡᠷᠡᠯ; (1) ᠲᠡᠭᠷᠢ ᠶᠢᠨ ᠰᠢᠲᠦᠯᠭᠡ᠂ (2) ᠰᠦᠨ᠋ᠡᠰᠦᠨ ᠦ ᠲᠤᠬᠠᠢ ᠣᠢᠯᠠᠭ᠋ᠠᠭᠳᠠᠬᠤᠨ᠂ (3) ᠵᠡᠭᠦᠳᠦ᠂ ᠲᠦᠯᠭᠡ ᠪᠡᠯᠭᠡ ᠶᠢᠨ ᠦᠢᠯᠡᠳᠦᠯ᠂ (4) ᠮᠤᠳᠤ ᠰᠢᠪᠠᠭ᠋ᠤᠨ ᠰᠢᠲᠦᠯᠭᠡ᠂ (5) ᠴᠠᠭ᠋ᠠᠨ ᠦᠩᠭᠡ ᠶᠢᠨ ᠳᠡᠭᠡᠳᠦᠯᠡᠯ᠃ ᠡᠳᠡᠭᠡᠷ ᠴᠢᠬᠤᠯᠠ ᠢᠯᠡᠷᠡᠯ ᠡᠴᠡ ᠭᠠᠳᠠᠨᠠ ᠪᠠᠰᠠ ᠠᠨᠳᠠᠭ᠋ᠠᠢ ᠳᠠᠩᠭ᠋ᠠᠷᠢᠭ᠂ ᠳᠠᠷᠨ᠋ᠢ ᠬᠠᠷᠢᠶᠠᠯ᠂ ᠲᠠᠬᠢᠯᠭᠠ ᠳᠠᠪᠢᠯᠭᠠ᠂ ᠣᠨᠴᠤᠭ᠋ᠤᠢ ᠲᠤᠭ᠋ᠠᠨ ᠤ ᠬᠡᠷᠡᠭᠯᠡᠯ ᠬᠢᠭᠡᠳ ᠣᠯᠠᠨ ᠠᠮᠢᠲᠠᠨ ᠪᠤᠳᠠᠰ ᠤᠨ ᠰᠢᠲᠦᠯᠭᠡ (ᠨᠠᠷᠠ᠂ ᠰᠠᠷᠠ᠂ ᠣᠳᠤ᠂ ᠠᠭ᠋ᠤᠯᠠ᠂ ᠤᠰᠤ᠂ ᠡᠭᠦᠯᠡ᠂ ᠰᠠᠯᠬᠢᠨ ᠵᠡᠷᠭᠡ ᠶᠢ ᠰᠢᠲᠦᠬᠦ) ᠵᠡᠷᠭᠡ ᠲᠠᠯᠠ ᠴᠤ ᠳᠤ ᠪᠤᠮᠪᠠ (ᠪᠦᠬᠡ) ᠶᠢᠨ ᠰᠤᠶᠤᠯ ᠤᠨ ᠢᠯᠡᠷᠡᠯ ᠬᠠᠷᠠᠭᠳᠠᠳᠠᠭ᠃ |
