| Abstract |
ᠬᠣᠷᠴᠢᠨ ᠠᠮᠠᠨ ᠠᠶᠠᠯᠭ᠋ᠤᠨ ᠳᠤ ᠨᠢᠭᠡᠨ -a:tγg/᠁ ᠭᠡᠬᠦ ᠳᠠᠭ᠋ᠠᠪᠤᠷᠢ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠨᠠ᠂ ᠲᠡᠷᠡ ᠨᠢ ᠦᠨᠳᠦᠰᠦᠨ ᠳᠡᠭᠡᠨ ᠬᠤᠶᠠᠷ ᠵᠤᠢᠯ ᠤᠨ ᠤᠳᠬᠠ ᠰᠠᠨ᠋ᠠᠭᠠ ᠶᠢ ᠢᠯᠡᠳᠭᠡᠳᠡᠭ᠃ ᠨᠢᠭᠡ ᠳᠦ ᠦᠢᠯᠡ ᠶᠢᠨ ᠬᠤᠶᠠᠳᠤᠭ᠋ᠠᠷ ᠪᠡᠶᠡ ᠳᠦ ᠬᠦᠰᠡᠮᠵᠢᠯᠡᠬᠦ ᠲᠦᠯᠦᠪ ᠦᠨ ᠤᠳᠬᠠ ᠶᠢ ᠭᠠᠷᠭ᠋ᠠᠨᠠ᠃ ᠭᠡᠬᠦ ᠳᠡᠭᠡᠨ ᠭᠤᠤᠯᠳᠠᠭ᠋ᠤ ᠶᠠᠮᠠᠷ ᠨᠢᠭᠡᠨ ᠦᠢᠯᠡ ᠶᠢ ᠭᠦᠢᠴᠡᠳᠭᠡᠯᠭᠡᠬᠦ ᠲᠤᠬᠠᠢ ᠬᠤᠶᠠᠳᠤᠭ᠋ᠠᠷ ᠪᠡᠶᠡ ᠳᠦ ᠬᠦᠰᠡᠨ ᠭᠤᠶᠤᠬᠤ ᠦᠶᠡ ᠳᠦ ᠯᠡ ᠬᠡᠷᠡᠭᠯᠡᠳᠡᠭ ᠢᠶᠡᠷ ᠢᠶᠡᠨ ᠪᠢᠴᠢᠭ ᠦᠨ ᠬᠡᠯᠡᠨ ᠦ ᠬᠤᠶᠠᠳᠤᠭ᠋ᠠᠷ ᠪᠡᠶᠡ ᠳᠦ ᠵᠠᠬᠢᠷᠤᠨ ᠬᠦᠰᠡᠬᠦ ᠳᠠᠭ᠋ᠠᠪᠤᠷᠢ 《 ᠭᠲᠤᠨ ᠭᠲᠦᠨ᠂ ᠭ᠋ᠠᠷᠠᠢ ᠭᠡᠷᠡᠢ᠂ ᠭ᠋ᠠᠴᠢ ᠭᠡᠴᠢ》 ᠡᠴᠡ ᠢᠯᠭ᠋ᠠᠭᠳᠠᠨᠠ᠃ ᠬᠤᠶᠠᠷ ᠲᠤ᠂ ᠦᠢᠯᠡ ᠶᠢᠨ ᠲᠡᠭᠦᠰ ᠦᠢᠯᠡᠳᠬᠦ ᠪᠠᠢᠳᠠᠯ ᠤᠨ ᠤᠳᠬᠠ ᠶᠢ ᠢᠯᠡᠳᠭᠡᠨᠡ᠃ ᠭᠡᠪᠡᠴᠦ ᠪᠠᠰᠠ ᠲᠤᠰ ᠳᠠᠭ᠋ᠠᠪᠤᠷᠢ ᠨᠢ ᠨᠦᠬᠦᠭᠡ ᠨᠢᠭᠡ ᠲᠡᠭᠦᠰ ᠦᠢᠯᠡᠳᠬᠦ ᠪᠠᠢᠳᠠᠯ ᠤᠨ ᠳᠠᠭ᠋ᠠᠪᠤᠷᠢ -ig (ᠴᠢᠬᠠ᠂ ᠴᠢᠭᠡ᠂ ᠴᠢ) ᠲᠠᠢ ᠪᠠᠨ ᠵᠦᠷᠢᠶᠡᠨ ᠲᠡᠢ ᠬᠡᠷᠡᠭᠯᠡᠭᠳᠡᠨᠡ᠃ ᠶᠡᠷᠦᠩᠬᠡᠢ ᠳᠦᠨ᠋ᠢ ᠠᠪᠴᠤ ᠦᠵᠡᠪᠡᠯ᠂ -a:tγg/᠁ ᠨᠢ -ig ᠢᠶᠡᠨ ᠪᠤᠳᠤᠪᠠᠯ ᠲᠡᠭᠦᠰ ᠦᠢᠯᠡᠳᠬᠦ ᠪᠠᠢᠳᠠᠯ ᠤᠨ ᠤᠳᠬᠠ ᠨᠢ ᠰᠤᠯᠠ ᠰᠢᠭ ᠪᠠᠨᠠ᠃ ᠡᠭᠦᠰᠦᠯ ᠭᠠᠷᠤᠯ ᠤᠨ ᠬᠤᠪᠢ ᠳᠤ ᠨᠠᠷᠢᠪᠴᠢᠯᠠᠪᠠᠯ᠂ -a:tγg/᠁ ᠨᠢ ᠤᠷᠢᠳᠴᠢᠯᠠᠬᠤ ᠨᠦᠬᠦᠴᠡᠯ ᠦᠢᠯᠡ ᠦᠭᠡ ᠶᠢᠨ 《ᠭ᠋ᠠᠳ᠂ ᠭᠡᠳ》 ᠳᠠᠭ᠋ᠠᠪᠤᠷᠢ ᠪᠠ ᠲᠤᠰᠠᠯᠠᠬᠤ ᠦᠢᠯᠡ ᠦᠭᠡ 《ᠦᠭ》 ᠦᠨ ᠨᠡᠢᠯᠡᠭ ᠬᠡᠯᠪᠡᠷᠢ ᠡᠴᠡ ᠤᠯᠠᠷᠢᠵᠤ ᠢᠷᠡᠭᠰᠡᠨ ᠪᠤᠯᠤᠯᠲᠠᠢ᠃ ᠭᠡᠪᠡᠴᠦ ᠪᠦᠷᠢᠮᠦᠰᠦᠨ ᠳᠠᠭ᠋ᠠᠪᠤᠷᠢᠵᠢᠭᠰᠠᠨ -a:tγg/᠁ ᠨᠢ ᠬᠦᠭᠵᠢᠯ ᠦᠨ ᠶᠠᠪᠤᠴᠠ ᠳᠠᠭ᠋ᠠᠨ ᠤᠳᠬᠠ ᠶᠢᠨ ᠲᠠᠯᠠ ᠪᠠᠷ ᠲᠤᠩ ᠬᠡᠢᠰᠪᠦᠷᠢᠵᠢᠵᠦ ᠵᠠᠳᠠᠯᠤᠭ ᠬᠡᠯᠪᠡᠷᠢ ᠭ᠋ᠠᠳ ᠭᠡᠳ + ᠦᠭ ᠡᠴᠡ ᠪᠡᠨ ᠶᠡᠬᠡᠬᠡᠨ ᠢᠯᠭ᠋ᠠᠭᠠ ᠲᠠᠢ ᠬᠡᠷᠡᠭᠯᠡᠭᠳᠡᠬᠦ ᠪᠠᠢᠳᠠᠯ ᠲᠠᠢ᠃ ᠠᠶᠠᠯᠭ᠋ᠤ ᠨᠤᠭ᠋ᠤᠳ ᠤᠨ ᠬᠡᠯᠡᠨ ᠵᠦᠢ ᠶᠢᠨ ᠲᠠᠯᠠ ᠪᠠᠷ ᠬᠢ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠰᠢᠨᠵᠢ ᠶᠢ ᠨᠠᠷᠢᠪᠴᠢᠯᠠᠨ ᠰᠤᠳᠤᠯᠬᠤ ᠨᠢ ᠣᠷᠴᠢᠨ ᠴᠠᠭ ᠤᠨ ᠮᠣᠩᠭᠤᠯ ᠬᠡᠯᠡᠨ ᠦ ᠬᠦᠭᠵᠢᠯ ᠦᠨ ᠵᠢᠮᠡ ᠬᠠᠤᠯᠢ ᠶᠢᠨ ᠲᠤᠬᠠᠢ ᠰᠤᠳᠤᠯᠭ᠋ᠠᠨ ᠳᠤ ᠶᠡᠬᠡᠬᠡᠨ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠶᠤᠮ᠃ |
