| Abstract |
ᠮᠠᠨᠵᠤ ᠮᠣᠩ᠌ᠭᠤᠯ ᠤᠨ ᠤᠷᠤᠭ ᠤᠨ ᠬᠤᠯᠪᠤᠭᠠ ᠨᠢ ᠪᠠᠷᠤᠭ 300 ᠵᠢᠯ ᠦᠷᠭᠦᠯᠵᠢᠯᠡᠵᠦ ᠬᠠᠮᠤᠭ ᠠᠷᠪᠢᠨ ᠳᠠᠭᠠᠨ 581 ᠤᠳᠠᠭᠠ ᠳᠤ ᠬᠦᠷᠦᠭᠰᠡᠨ ᠪᠠᠢ᠌ᠨᠠ᠃ ᠮᠠᠨᠵᠤ ᠶᠢᠨ ᠨᠠᠶᠠᠷᠬᠠᠯ ᠪᠤᠭᠤᠮᠲᠠ ᠳᠤ ᠣᠷᠤᠬᠤ ᠠᠴᠠ ᠡᠮᠦᠨᠡᠬᠢ ᠤᠷᠤᠭ ᠤᠨ ᠬᠠᠷᠢᠴᠠᠭᠠ ᠨᠢ ᠭᠤᠤᠯᠳᠠᠭᠤ ᠬᠤᠷᠴᠢᠨ᠂ ᠦᠪᠦᠷ ᠲᠠᠪᠤᠨ ᠬᠠᠯᠬᠠ ᠵᠡᠷᠭᠡ ᠮᠠᠨᠵᠤ ᠭᠦᠷᠦᠨ ᠯᠦᠭᠡ ᠬᠦᠷᠰᠢ ᠠᠢ᠌ᠮᠠᠭ ᠢᠶᠠᠷ ᠭᠤᠤᠯᠯᠠᠵᠤ ᠪᠠᠢ᠌ᠭᠰᠠᠨ ᠶᠤᠮ᠃ 《1612 ᠣᠨ ᠳᠤ ᠬᠤᠷᠴᠢᠨ ᠤ ᠮᠢᠩ᠋ᠭᠠᠨ ᠳᠠᠢ᠌ᠵᠢ ᠶᠢᠨ ᠥᠬᠢᠨ ᠢ ᠨᠤᠷᠠᠭᠴᠢ ᠪᠠᠭᠠ ᠬᠠᠲᠤᠨ ᠢᠶᠠᠨ ᠪᠤᠯᠭᠠᠪᠠ᠃ 1614 ᠣᠨ ᠳᠤ ᠦᠪᠦᠷ ᠬᠠᠯᠬᠠ ᠶᠢᠨ ᠵᠠᠷᠤᠳ ᠠᠢ᠌ᠮᠠᠭ ᠤᠨ ᠨᠠᠢ᠌ᠵᠢ ᠬᠠᠨ ᠦᠪᠡᠷ ᠦᠨ ᠥᠬᠢᠨ ᠳᠡᠭᠦᠦ ᠪᠡᠨ ᠨᠤᠷᠠᠭᠴᠢ ᠶᠢᠨ ᠲᠠᠪᠤᠳᠤᠭᠠᠷ ᠬᠦᠪᠡᠭᠦᠨ ᠮᠠᠩ᠋ᠭᠤᠯᠲᠠᠢ ᠳᠤ ᠬᠠᠲᠤᠨ ᠪᠤᠯᠭᠠᠨ ᠦᠭᠴᠡᠢ᠁》᠃ ᠣᠩᠨᠢᠭᠤᠳ ᠠᠢ᠌ᠮᠠᠭ ᠪᠤᠯᠤᠨ ᠴᠢᠩ ᠤᠯᠤᠰ ᠤᠨ ᠤᠷᠤᠭ ᠤᠨ ᠬᠠᠷᠢᠴᠠᠭᠠ ᠨᠢ ᠭᠤᠤᠯᠳᠠᠭᠤ ᠮᠠᠨᠵᠤ ᠦᠨᠳᠦᠰᠦᠲᠡᠨ ᠪᠤᠭᠤᠮᠲᠠ ᠳᠤ ᠣᠷᠤᠬᠤ ᠠᠴᠠ ᠡᠮᠦᠨᠡ ᠡᠬᠢᠯᠡᠭᠰᠡᠨ ᠴᠦ ᠪᠤᠭᠤᠮᠲᠠ ᠳᠤ ᠣᠷᠤᠭᠰᠠᠨ ᠤ ᠳᠠᠷᠠᠭᠠ ᠤᠯᠠᠮ ᠤᠯᠠᠰᠢᠷᠠᠵᠠᠢ᠃ |
